我應該怎麼辦 (陳曲肥手記)

我應該怎麼辦

芒 | 07-09-08, 01:36 | 寵物 | (171 Reads)

星期五約了針灸師為Cookie針灸,

Vet在事前告知首先作四次針灸,四次以後沒有進展,那就不做了,

針灸完畢後晚上會很渴睡,不必擔心!

今天巳是星期六晚上,Cookie比昨晚更渴睡,整天不肯進食,腳步浮浮,

現只能強迫性灌食醫生糧,

在灌食時發現Cookie口腔有異味,細看之下,

舌底出現白色物體,像痱痔,

看過某網頁,

http://blog.sina.com.tw/inasia/article.php?pbgid=53412&entryid=586702

知道尿毒巳積聚在血液內,應該巳是到了後期,

我真的做了所有事,剛吊完鹽水兩天,便發現此事,

藥愈食愈多,皮下水也注入更多,究竟還可以做些甚麼,

我巳經超出全力,現在沒有甚麽事比Cookie更重要,但.......

點解不好還差?點解係Cookie?點解有病嗰個唔係我?點解我揾錯Vet?

點解我唔一早轉腎病糧?點解我留意唔到初期病情?點解?點解?

我想我不再配養狗!不配是個好主人!不配養任何小動物!

反之Cookie的堅強比起我這所謂"主人"更配擁有生命!

留言(7) | 引用(0) | 話題(狗)

[7]

呢一刻, 任何安慰說話可能都予事無補, 唔能夠減輕你既壓力; 但我諗, 最重要係cook肥可以好好休息, 佢見到你咁責怪自己, 情緒咁upset, 佢都會唔開心, 佢都會擔心你 ... 不論結局如何, cook肥都係咁愛你, 唔想見你因為自己而咁傷心 ; 何況, 未到最後一刻, 冇人知會點, 點可以咁快認輸哩... 你仲要留力黎同cook肥打氣麻...好好照顧自己, 先可以好好照顧cook肥

[引用] | 作者 elmo | 11-09-08 11:01 | [舉報垃圾留言]

[6]

唔知道點樣安慰妳, 只希望妳同曲肥一齊努力緊持落去!

[引用] | 作者 Nut Nut | 10-09-08 22:42 | [舉報垃圾留言]

[5] Re: queenie

queenie :
唔好怪自己. 人太渺小, 好多事情都控制不到的, 唯有無愧於心...最重要是cook肥知道你係對佢好, 而你亦都知道你係為佢好...

到過您個Blog,也看到你最近與母親面對一頭15歲多病的狗狗,每餐都餵到滿身食物,出入醫院吊鹽水,有幸認識到有人同我一樣咁傻ga主人,我與你的分別是Cookie只有7歲,我不甘心,不能相信,不想面對,
很佩服你的冷靜,我暫時辦不到,Thanks!!

[引用] | 作者芒 | 10-09-08 13:59 | [舉報垃圾留言]

[4] Re: Flora

Flora :
好好好明白你的心情老公常說如我家的兩隻狗狗有事, 他真係驚我入青山都唔出奇, 可想而知, 我多緊張家中的狗狗
你絕對冇錯架, 生命唔由得我同你去作主, 命裡有時終需有, 知嗎?
上次家中貴婦絕育時有事發生, 我都好似巔左一樣, 家中各人都比我嚇死!
我衷心希望你不要再責怪自己, 點解我多次留言給你, 係因為我相信我家狗狗有事我會跟你的反應一樣
佛家有說: 應該放下的時候, 我們應該放下,...

原來有人同我一樣.....
我而家同一個瘋婦分別不大,
家務巳立立亂,又忘記食飯,返錯工,搭錯車,
我有懷疑過自己係咪精神病,係呢段時期,我唔可以比自己有事,請放心,我會用餘下ga思想力撑到底!Thanks

[引用] | 作者芒 | 10-09-08 13:50 | [舉報垃圾留言]

[3]

唔好怪自己. 人太渺小, 好多事情都控制不到的, 唯有無愧於心...
最重要是cook肥知道你係對佢好, 而你亦都知道你係為佢好...

[引用] | 作者 queenie | 09-09-08 13:54 | [舉報垃圾留言]

[2]

好好好明白你的心情老公常說如我家的兩隻狗狗有事, 他真係驚我入青山都唔出奇, 可想而知, 我多緊張家中的狗狗

你絕對冇錯架, 生命唔由得我同你去作主, 命裡有時終需有, 知嗎?

上次家中貴婦絕育時有事發生, 我都好似巔左一樣, 家中各人都比我嚇死!

我衷心希望你不要再責怪自己, 點解我多次留言給你, 係因為我相信我家狗狗有事我會跟你的反應一樣

佛家有說: 應該放下的時候, 我們應該放下, 不要強求! 大家一齊努力吧

[引用] | 作者 Flora | 08-09-08 11:54 | [舉報垃圾留言]